Aŭtoroj
Alcott, Louisa May
(* 29.11.1832 † 06.03.1888 ) Louisa May ALCOTT estis usona romanverkisto, fame konata por la romano Little Women, kiun ŝi verkis en 1868.
Andersen, Hans Christian
(* 02.04.1805 Odense † 04.08.1875 Kopengago) Hans Christian ANDERSEN (naskiĝis la 2-an de aprilo 1805 en Odense, mortis la 4-an de aŭgusto en Kopenhago) estis dana verkisto, kiu ĉefe famiĝis pro la verkado de fabeloj. Tiuj estas tradukitaj al pli ol 100 lingvoj kaj influis diversajn teatraĵojn, filmojn, baletojn kaj aliajn artaĵojn.
Arbes, Jakub
(* 12.06.1840 † ) Jakub ARBES (naskiĝis la 12-a de junio 1840 - mortis la 8-a de aprilo 1914) estis ĉeĥa verkisto de sociaj romanoj (Kandidatoj de ekzistado, La lastaj tagoj de la homaro).
BAGHY, Julio
(* 13.01.1891 Szeged † 18.05.1967 ) Julio BAGHY (originale BAGHY Gyula, pseŭdonome Jobo), estis verkisto kaj aktoro. Naskita en Hungario, li lernis Esperanton en 1911 kaj komencis sian laboron por la Esperanto-movado dum sesjara milita kaptiteco en Siberio. Elstara movadano kaj Esperanto-instruisto. Iama vicprezidanto de la Akademio de Esperanto.
Bahá’u’lláh
(* 12.11.1817 Teherano † 29.05.1892 Akko) Mírzá Ḥusayn-\'Alí (1817-1892) (perse : میرزا حسینعلی), kiu pli poste alprenis la titolon Bahá\'u\'lláh (arabe : بهاءالله t.e. \"Splendoro, Gloro, Lumo de Dio\"), estis la profet-fondinto de la Bahaa Kredo.
Bahá\'u\'lláh naskiĝis je la 12-a de novembro 1817 (2-a de Muḥarram 1233 p.H.) en Tehrano (Ṭihrán), ĉefurbo de Persio (nuna Irano). Lia patro estis Mírzá `Abbás, pli bone konata kiel Mírzá Buzurg de la distriko Núr (en la provinco Mazenderano), notinda nobela ministro en la kortego de Fatḥ-`Alí Sháh. Lia patrino estis Khadíjih Khánum. (Vidu ankaŭ Genealogio de Baha\'u\'llah.)
BAUM, Lyman Frank
(* 15.05.1856 Chittenango, Nov-Jorkio † 06.05.1919 ) Lyman Frank BAUM estis usona verkisto.
Baum naskiĝis en Chittenango, Nov-Jorkio. Sian junaĝon li pasigis en la luksa bieno de siaj gepatroj. En la jaro 1882 li edziĝis al Maud GAGE kaj transloĝiĝis kun ŝi al Suda Dakoto.
Bein, Kazimierz (Kabe)
(* 1872 † 15.06.1959 Lodz) Kabe estas la plumnomo de d-ro Kazimierz BEIN, pola okulkuracisto, krome leksikografo, tradukisto kaj dumtempe tre aktiva esperantisto. Li estis unu el la plej grandaj stilistoj dum la frua periodo de la Esperanto-literaturo.
BRONTË, Charlotte
(* 21.04.1816 Thornton, Yorkshire † 31.03.1855 ) Charlotte BRONTË estis angla verkistino.
Ŝi naskiĝis en Thornton kiel filino de pastro kaj pasigis sian junaĝon en la soleca etoso de la pastra domo en Yorkshire. Kun siaj du fratinoj Anne kaj Emily kaj sia frato Branwell ŝi frue elpensis fantaziajn rakontojn.
BURROUGHS, Edgar Rice
(* 01.09.1875 † 19.03.1950 ) Edgar Rice BURROUGHS estis usona verkisto de aventuraj kaj sciencfikciaj romanoj.
Lia plej fama verko estas aventuroj pri Tarzan, homa knabo edukita de goriloj, do siaspeca parenco de lupe edukita Maŭglio (verkita de Rudyard Kipling), kvankam el artista vidpunkto ne samnivela. Tamen la verkoj estis tradukitaj al multaj lingvoj, multfoje filmigitaj, eĉ unu kalifornia urbo ricevis la nomon Tarzana.
Alia fama serio estas pri la heroo John Carter el Marso.
Ĉapek, Karel
(* 09.01.1890 Malé Svatoňovice (Bohemio, Aŭstrio-Hungario) † 25.12.1938 Prago) Karel ČAPEK estis ĉeĥa verkisto, ĵurnalisto, dramisto, tradukisto kaj fotografisto. Li estas konsiderata kiel unu el la plej influhavaj ĉeĥaj verkistoj de la 20-a jarcento
Carroll, Lewis
(* 27.01.1832 Daresbury, Cheshire, Anglio † 14.01.1898 Guildford) Charles Lutwidge DODGSON [ĉarlz latviĝ doĝs'n], pli bone konata laŭ la nomo Lewis CARROLL estis angla matematikisto kaj logikisto, sed kio igis lin fama estis lia verkado de groteskaj, humuraj fantastaj romanoj, kiuj origine estis destinitaj por la amuzo de infanoj. Lia lerta lingvouzo spicita per inteligentaj vortludoj ne nur amuzis la legantojn, sed eĉ fariĝis objekto de filozofiaj esploroj.
Christie, Agatha
(* 15.09.1890 Torquay † 12.04.1976 Wallingford) Brita verkistino, verkis pli ol 70 krimromanoj, rakontojn, teatraĵojn kaj romantikajn librojn.
Dickens, Charles
(* 07.02.1812 Landport apud Portsmouth † 09.06.1870 Godshill Place apud Rocheste) Charles DICKENS [//ˈtʃɑrlz ˈdɪkɪnz//] estis angla verkisto, unu el la plej influaj de la 19-a jarcento.
Dickens naskiĝis en Landport apud Portsmouth. Pro financaj malfacilaĵoj de sia patro li jam kiel 12-jarulo devis gajni monon kiel helplaboristo. Siajn spertojn dum tiu ĉi tempo li poste priskribis en sia romano David Copperfield.
Exupéry, Antoine de Saint
(* 29.06.1900 Liono (Lyon) † 31.07.1944 ) Antoine DE SAINT-EXUPÉRYestis aviadisto kaj mondfama verkisto.
Li estas unu el la plej konataj francaj verkistoj pro sukceso de sia fama rakonto "La Eta Princo" (Le Petit Prince) tradukita en 160 lingvojn. Li ricevis la premion Femina en 1930 pro "Nokta flugo" (Vol de Nuit) kaj la premion de la romano el la Franca Akademio en 1938 pro "Tero de la homoj"
Ginz, Oto
(* 19.07.1896 Zdánice † 29.02.1976 Israelo) Ota [Otto] GINZ [ginz] estis ĉeĥoslovaka judo, oficisto en grandkomerco en Prago. En 1958 li elmigris en Israelon. Li kun sia edzino Marie Ginzová estis gepatroj de Petr Ginz, knabo pereinta en koncentrejo, kies desegnaĵo de la Tero vidata de sur la Luno fariĝis simbolo de holokaŭsto.
Gogoľ, Nikolaj Vasiljeviĉ
(* 01.04.1809 † 04.03.1852 Moskvo) Nikolaj Vasiljeviĉ GOGOL (Ruse: Никола́й Васи́льевич Го́голь) estis rusia kaj ukraina verkisto.
Hauff, Wilhelm
(* 29.11.1802 Stuttgart † 18.11.1827 ) Wilhelm Hauff naskiĝis en Stuttgart en 1802. La famaj germanaj
poetoj Uhland, Kerner, Mörike kaj Hölderlin, al kiuj,
pro ilia komuna patrujo, oni donis la nomon "_Schwäbischer
Dichterkreis_" (Svabuja poetaro), estis liaj samtempuloj kaj
samlandanoj.
