GUARESCHI, Giovannino


(* 01.05.1908 Roccabianca † 22.07.1968 Cervia) Giovannino GUARESCHI (esp.: Joĉjo Gŭareski) estis ĵurnalisto, desegnisto kaj humuristo krom verkisto. Lia plej fama kreaĵo estas Don Camillo, la forta paroĥestro kiu parolas kun la Kristo de la ĉefaltaro; lia kontraŭulo estas la komunista urbestro Peppone.

Vivo

Giovannino Guareschi naskiĝis en 1908 en Fontanelle di Roccabianca apud Parmo en Italujo. Italo, estis prozisto, ĵurnalisto kaj satiristo fama pro la libroj pri "Don Camillo kaj Peppone." Por eviti soldatan servon li aliĝis al la jura fako en Parma Universitato, sed ne studis. Guareschi laboris unue fizike, poste kiel redaktoro de revuoj "Corriere Emiliano" kaj "Bertoldo".

Dum la Dua Mondmilito, li iĝis oficiro pri artilerio. Post la 1943-a jaro li estis en malliberejoj en Ĉestohovo kaj Beniaminovo, Pollando, tiam okupata de naziistoj. Post reveno al Italujo Guareschi kreis satiran revuon je monarkia karaktero: "Kandido".

Dum naciaj balotadoj li agis kontraŭ komunistoj apogante kristanajn demokratojn. Tamen poste li ofte kritikis la kristanajn demokratojn pro manko de socia agado dum regado, laŭ instruo de eklezio. Guareschi estis severa kaj senkompromisa kritikanto de politika realeco. Siajn atakojn li direktadis al konkretaj personoj, kio kaŭzis lian malliberigon en la jaroj 1954-1955, ĉar juĝistoj konstatis, ke li ofendas la prezidenton de Republiko kaj la unuan ministron.

De la jaro 1956-a lia sanstato malboniĝis, pro tio li rezignis pri sia posteno de ĉefo en la revua redakcio de "Kandido", sed kunlaboris kun ĝi ĝis sia morto. Guareschi mortis pro koratako en la jaro 1968.


[redakti] Verkoj

    Pastro Kamilo
    Pastro Kamilo kaj la hodiaŭa junularo
    Pastro Kamilo kaj la homaj zorgoj
    Ĥomaĉoj
    Familieto
    La deka konspiranto
    Malgranda mondo de pastro Kamilo
    Kamarada pastro Kamilo
    Pastro Kamilo kaj lia ŝafareto

 



0 komentoj  

, skribu komenton:
supren